Hér er um að ræða styttu sem Guðlaugi Guðmundssyni var færð sem gjöf að skilnaði, þegar hann lét af störfum sem sýslumaður Vestur Skaftfellinga. Styttan er gyðja réttlætisins með sverð og vogarskálar. Þá er ágrafinn silfurskjöldur á fætinum
Skaftfellingar kveðja sýslumann sinn.
Þegar Guðlaugur hætti sem sýslumaður Skaftfellinga var honum haldið veglegt kveðjuhóf að Kleifum. Þar var honum afhent stytta af gyðju réttlætisins og einnig var sungið eftirfarandi kvæði sem Ágúst Jónsson í Þykkvabæ í Landbroti hafði ort honum til heiðurs.
Vér komum til að kveðja í hinsta sinni
vér komum til að þakka liðna stund
vér komum til að halda heiðursminni
þótt hulin söknuð geymi marga lund.
Að fullu vér ei fáum yðar notið
þér framar hér ei myndið bræðralag
hve stórt er skarð í skjöld vors héraðs brotið
vér skiljum vel nær endum þennan dag.
Þér hafið unnið vorri sveit til sóma
og sífellt reynt að bæta úr vorum hag
því skulu ávallt ástarþakkir óma
fyrir öll þau störf um sérhvern ævidag.
Kvæðið kom til mín þann 28. desember 1995 frá Sigríði Þorsteinsdóttir, ekkju
Guðlaugs Guðmundssonar sonarsyni Guðlaugs sýslumanns. Guðlaugur Guðmundsson
skrifaði það eftir frásögn Þorbjörns Bjarnasonar frá Heiði.
Guðlaugur Hjörleyfsson tók saman.